ანდრეას კრისტენსენმა ბარსელონაში 50-ე მატჩი ჩაატარა

"ალმერიასთან" შეხვედრა ანდრეას კრისტენსენისთვის საიუბილეო იყო - დანიელმა ფეხბურთელმა "ბარსელონაში" 50-ე მატჩი ჩაატარა.

კრისტენსენმა 37 შეხვედრა ლა ლიგაში გამართა, 7 - ჩემპიონთა ლიგაზე, 2-2 კი ესპანეთის სუპერ თასზე, ევროპა ლიგასა და კოპა დელ რეიზე.

აღსანიშნავია, რომ ამაზე მეტი მატჩი "ბარსაში" 3 დანიელს ჩაუტარებია: მარტინ ბრეითუეიტს (58), ალან სიმონსენსა (129) და მიკაელ ლაიდრუპს (226).

ანდრეასმა დღეს პირველ ტაიმში ითამაშა, შესვენებისას კი ჩავიმ ის ჟიულ კუნდეთი შეცვალა.

დანიელი გუნდის დაცვის უმნიშვნელოვანესი წევრია. გასულ სეზონში მან ადაპტაცია ძალიან სწრაფად გაიარა და სასტარტო შემადგენლობაში თავის დამკვიდრება არ გაუჭირდა. "ბლაუგრანაში" მის ანგარიშზე 1 გოლია.