ბარსელონა ესპანეთის სუპერ თასის ფინალშია!

"ბარსელონამ" სუპერ თასის ნახევარფინალში "ოსასუნა" 2-0 დაამარცხა და ფინალში გავიდა.

შეხვედრის პირველი ნახევარი უგოლოდ დასრულდა, მაგრამ მეორე ტაიმში "ბარსამ" ნავსი მაინც გატეხა. 59-ე წუთზე ილქაი გიუნდოგანის პასით რობერტ ლევანდოვსკიმ ანგარიში გახსნა, მატჩის მიწურულს (93+3') კი ლამინ იამალმა გუნდის უპირატესობა ორამდე გაზარდა და საბოლოო შედეგი დააფიქსირა. 

კატალონიური კლუბი 14 იანვარს, თბილისის დროით 23:00 საათზე, ფინალში "რეალ მადრიდს" დაუპირისპირდება. 

საინტერესოა, რომ წინა წლის სუპერ თასის ფინალშიც "ელ კლასიკო" შედგა. მაშინ "ბარსელონამ" "რეალ მადრიდს" შანსი არ დაუტოვა და შესანიშნავ სტილში, 3-1 იმარჯვა.