ჩავი ერნანდესი ფინალის წინ

გუნდი ძალიან მონდომებულია. ფინალში "რეალ მადრიდთან" თამაში დიდებული სცენარია და შევეცდებით, კარგი მატჩი ჩავტაროთ. ბურთის გაკონტროლება და ჩვენი სტილით თამაში გადამწყვეტი იქნება.

ძირითადი შემადგენლობა გადაწყვეტილი მაქვს. ვიმედოვნებ, გასული სეზონის მსგავსად კარგად ვითამაშებთ. მოსაგებად ყველაფერს გავაკეთებთ. მე ძალიან მოტივირებული ვარ.

პედრი 100%-ით მზადაა, თუმცა მასზე არაა დამოკიდებული, სამი ნახევარმცველით ვითამაშებთ თუ ოთხით. ნებისმიერ შემთხვევაში ჩვენი დნმ უცვლელი დარჩება.

გამარჯვება დამსახურების გარეშე? ბოლოს როდის მოვიგეთ ასე?! საპირისპირო ბევრჯერ მომხდარა - დავიმსახურეთ, მაგრამ ვერ გავიმარჯვეთ. 

არაუხოს და ვინისიუსის დუელი? ტაქტიკაზე არ ვისაუბრებ, რადგან ამით ანჩელოტის დავეხმარები. ამას ხვალ ნახავთ. მნიშვნელობა არ აქვს, სად ითამაშებს არაუხო, ის ყველა პოზიციაზე საიმედოა. მან ბოლო ორ სეზონში დაცვაში თამაში და ბურთთან ერთად მოქმედება საგრძნობლად გააუმჯობესა.

რიადი? საუდის არაბეთში კარგ დროს ვატარებთ. როდესაც აქ ჩამოვდივართ, ყველა პატივს გვცემს და გვგულშემატკივრობს. აქ ყოფნით ბედნიერი ვარ. საუდის არაბეთში ფეხბურთი განვითარდება, რადგან მათ საუკეთესო ინფრასტრუქტურა აქვთ და უმაღლესი დონის მოთამაშეები ჰყავთ.

ბელინგემი? ჩვენ ერთ ფეხბურთელზე არ ვფოკუსირდებით, რადგან მადრიდელთა ყველა მოთამაშე უმაღლესი დონისაა. 

ანჩელოტი მსოფლიოში ერთ-ერთი საუკეთესო მწვრთნელია. ჩვენ ფეხბურთს ერთნაირად ვუყურებთ, თუმცა ჩვენი მეთოდები განსხვავდება. კარლოზე ცუდად არავინ საუბრობს, მან ყველა ქვეყანაში საკუთარი კვალი დატოვა. ანჩელოტის უდიდეს პატივს ვცემ.