ფეხბურთში ლურჯი ბარათის დანერგვის საკითხი კითხვის ნიშნის ქვეშ დადგა
8 თებერვალს The Telegraph-მა გაავრცელა ინფორმაცია, რომ ფეხბურთში ლურჯი ბარათის დანერგვა იგეგმებოდა. ახლა კი, ამავე წყაროს ცნობით, ლურჯი ბარათის შემოტანა, ნეგატიური რეზონანსის ფონზე, კითხვის ნიშნის ქვეშ დადგა.
გუშინ ეს ინფორმაცია FIFA-მაც უარყო უარყო და განაცხადა, რომ ლურჯ ბარათზე საუბარი ნაადრევია. განცხადებაში ასევე წერია: "ნებისმიერი ასეთი ინოვაცია, თუ განხორციელდება, რანგით დაბალ ჩემპიონატებში უნდა დაიტესტოს. სიახლეებს IFAB-თან 2 მარტს გასამართ ყოველწლიურ შეხვედრაზე განვიხილავთ."
ლურჯ ბარათს ფეხბურთელი არასპორტული ქმედების ჩადენის და მსაჯთან ზედმეტი კამათის შემთხვევაში მიიღებს. არბიტრის მიერ მისი გამოყენების შემთხვევაში, მოთამაშე ვალდებული იქნება, მოედანი 10 წუთით დატოვოს. 2 ლურჯი ბარათი და ასევე ლურჯი ბარათი-ყვითელი ბარათის კომბინაცია წითელ ბარათს უდრის.
ამ სიახლეზე კომენტარები გათიშულია.
კომენტარები [ 8 ]