პეტრ ჩეხი: ბარსელონა ჩემი ფავორიტი კლუბი იყო

"კამპ ნოუზე" "ბარსას" წინააღმდეგ თამაში ყველა ფეხბურთელისთვის განსაკუთრებულია. ხალხმა არ იცის, რომ 3-4 წლის ასაკში "ბარსელონა" ჩემი ფავორიტი კლუბი იყო - სტოიჩკოვით, რომარიოთი და კუმანით... კარში კი სუბისარეტა. ბავშვობაში ამ გუნდის ქომაგი ვიყავი და შემდეგ მის წინააღმდეგ მოედანზე გასვლა ჩემთვის საჩუქარი იყო.

"ბარსელონაში" საპრეზიდენტო არჩევნები იყო, როცა ჩემმა აგენტმა მითხრა, რომ თუ კატალონიელთა პრეზიდენტი ჟოან ლაპორტას კონკურენტი - ლუის ბასატი გახდებოდა, მისი პირველი შენაძენი მე ვიქნებოდი. როცა ბასატმა არჩევნები წააგო, აგენტი ჩემთან მოვიდა და აღნიშნა: "სამწუხაროდ, არ გაგიმართლა, "ბარსელონაში" არ მიდიხარ."

ინიესტას გოლი? დარტყმის აღებასთან ძალიან ახლოს ვიყავი. ვფიქრობ, 6 მილიმეტრამდე დამაკლდა. ბურთს თითქმის შევეხე, მაგრამ როცა დარტყმა ასეთი იდეალურია, რისი გაკეთება შეგიძლია? მეკარეების ცხოვრება ასეთია.