პსჟ და 1/4-ფინალი | ბოლო დეკადაში 100%-იანი მაჩვენებელი გვაქვს

ნიონში გამართული წილისყრისას მეტოქედ ლუის ენრიკეს "პარი სენ-ჟერმენი" გვერგო, რომელიც არც თუ ცუდი ვარიანტია იმის გათვალისწინებით, რომ ლუჩო პარიზში ახალი გუნდის ჩამოყალიბების პროცესშია და ფრანგები ისეთივე ძლიერები ნამდვილად აღარ არიან, როგორებიც მბაპე/ნეიმარი/მესის ტრიოსთან ერთად იყვნენ.

"ბარსელონას" "პარი სენ-ჟერმენთან" ბოლო დეკადის ჩემპიონთა ლიგის 1/4-ფინალებში მშვენიერი სტატისტიკა აქვს და არის შანსი, რომ ჩავის გუნდმა დადებით ბალანსი კიდევ უფრო პოზიტიური კუთხით შეცვალოს.

კატალონიური კლუბი 2010 წლიდან მოყოლებული პარიზულ გრანდს ჩემპიონთა ლიგის 1/4-ფინალში აქამდე ორჯერ შეხვედრია და ორივე დუელი ჩვენი გამარჯვებით დასრულდა.

მაგალითისთვის, ესპანელებისა და ფრანგების პირველი გადაკვეთა 2012/2013 წლების სეზონით თარიღდება, როდესაც "ბარსელონამ" მეტოქეს ორი მატჩის ჯამში გასვლაზე მეტი ბურთის გატანით აჯობა (3-3).

რაც შეეხება მეორე შემთხვევას,  ის ერთი სეზონის გამოტოვებით, 2014/2015 წლებში მოხდა და გამარჯვება კვლავ ესპანელებს დარჩათ. იმ შეხვედრაში "ბარსელონამ" მეტოქეს ორ შეხვედრაში 5-1 აჯობა.

ამდენად, ბოლო ჩემპიონთა ლიგის ტიტული კატალონიელებმა სწორედ მაშინ მოიპოვეს, როდესაც ტურნირის 1/4-ფინალში "პარი სენ-ჟერმენი" დაამარცხეს.