ბექჰემი: მესის გადაბირებას ხუთი წელი ვცდილობდი

ჩვენ ლეოს მამას დიდი ხნის განმავლობაში ვესაუბრებოდით. მესის შეძენამდე ხუთი წლით ადრე მე და ჩემი პარტნიორი ლეოს მამას მაიამის სასტუმროში ფარულად შევხვდით. მას ვუთხარი, რომ მართალია, მესი ახლა მზად არ იყო, მაგრამ მომავალში მსურდა, რომ მას ჩემს კლუბში ეთამაშა.

გაიარა ხუთმა წელიწადმა. ვიცოდი, რომ იმ თვეს მესის გადაწყვეტილება უნდა მიეღო, რადგან მას პსჟ-დან წასვლა ჰქონდა გამოცხადებული. მაშინ იაპონიაში ვიყავი, დილის ოთხი თუ ხუთი საათი იქნებოდა, ჩემი ტელეფონი გაუჩერებლად რეკავდა. შემდეგ ვნახე შეტყობინება: "ლეო მესიმ გადაწყვიტა "მაიამიში" ითამაშოს". გავგიჟდი. საწოლიდან წამოდექი და ტირილი დავიწყე - ჩვენ ლიონელ მესი შევიძინეთ, საუკეთესო ფეხბურთელი, ვისაც ოდესმე უთამაშია.