ჯეიდონ სანჩო ბარსელონას შესთავაზეს [Sport]

Sport-ის მიერ გავრცელებული ინფორმაციით, "მანჩესტერ იუნაიტედის" შემტევი ჯეიდონ სანჩო "ბარსელონას" შესთავაზეს.

კატალონიური წყარო იტყობინება, რომ "წითელი ეშმაკები" მზად არიან, სანჩო გაუშვან. ამის მიზეზი ინგლისელ ფეხბურთელსა და გუნდის მთავარ მწვრთნელს ერიკ ტენ ჰაგს შორის კონფლიქტია. ეს იმას ნიშნავს, რომ 24 წლის მოთამაშე ახალ კლუბს ეძებს. სწორედ ამიტომ სანჩოს გარემოცვამ ფეხბურთელი "ბარსას" შესთავაზა, რომელსაც მარცხენა გარემარბის ესაჭიროება.

სანჩოს სატრანსფერო ფასი 30 მილიონ ევროს შეადგენს. გავრცელებული ინფორმაციით, კატალონიური კლუბი ინგლისელის ტრანსფერთან შემთხვევაში მხოლოდ იჯარის ვარიანტს განიხილავს.

ჯეიდონ სანჩომ გასული სეზონის მეორე ნახევარი "დორტმუნდში" იჯარით გაატარა. მან გერმანელთა რიგებში მონაწილეობა 21 მატჩში მიიღო, რომლებშიც 3 გოლი გაიტანა და 3 ასისტი გააკეთა.