ლევანდოვსკის პოლონეთი ევროპის ჩემპიონატის ჯგუფში ჩარჩა

ახლახან დასრულდა ევროპის ჩემპიონატის D ჯგუფის მესამე ტურის შეხვედრა, რომელშიც ერთმანეთს ჟიულ კუნდეს საფრანგეთი და რობერტ ლევანდოვსკის პოლონეთი დაუპირისპირდნენ.

მატჩი ფრედ 1-1 დასრულდა. გუნდებმა თერთმეტმეტრიანები გაცვალეს. მეორე ტაიმში პენალტის ნიშნულიდან ჯერ კილიან მბაპემ გაიტანა, შემდეგ კი - ლევანდოვსკიმ.

ევროპის ჩემპიონატის ერთ-ერთმა მთავარმა ფავორიტმა საფრანეგთმა 1/8-ფინალის საგზური ჯგუფში მეორე ადგილით მოიპოვა, პოლონეთი კი ტურნირს დაემშვიდობა.

კუნდემ და ლევანდოვსკიმ, რომელმაც, როგორც აღვნიშნეთ, გოლიც გაიტანა, სრულად ითამაშეს.