ჟორდი ალბას 4 ასისტი და ლუის სუარესის ბრწყინვალე გოლი

ლიგების თასის 1/16-ფინალში "ინტერ მაიამისა" და "ტორონტოს" შორის გამართული დაპირისპირება "ბარსელონას" ლეგენდების ტრიუმფით დასრულდა.

"ინტერ მაიამიმ" დაძაბულ ბრძოლაში მეტოქე 4-3 დაამარცხა. აღსანიშნავია, რომ ოთხივე საგოლე გადაცემა ჟორდი ალბამ მიითვალა. ერთ-ერთი ასისტის ადრესატი ლუის სუარესი აღმოჩნდა, რომელმაც შესანიშნავი გოლი გაიტანა.

შეხვედრაში მონაწილეობა მიიღო "ბარსას" კიდევ ერთმა ლეგენდამ სერჟიო ბუსკეტსმა, ლიონელ მესიმ კი თამაში ტრავმის გამო გამოტოვა.