უდრამატულესი ბრძოლა, ფერმინის ბენეფისი და 5-3 | ესპანეთი ოლიმპიური ჩემპიონია
ესპანეთმა ოლიმპიური თამაშების ფინალში საფრანგეთი უდრამატულეს ბრძოლაში 5-3 დაამარცხა და ჩემპიონი გახდა.
მე-11 წუთზე ენცო მილომ "მამლები" დააწინაურა, თუმცა მე-18 და 25-ე წუთებზე ფერმინ ლოპესმა დუბლი შეასრულა და "ფურია როხა" წინ გაიყვანა. მალევე, 28-ე წუთზე ალექს ბაენამაც გაიტანა და სანტი დენიას შეგირდებმა პირველი ტაიმი 3-1 მოიგეს.
მეორე ტაიმი შედარებით მშვიდად დაიწყო და 79-ე წუთამდე გოლი არ გასულა, მაგრამ შემდეგ დრამატული ბოლო წუთები ვიხილეთ - ჯერ მაგნეს აკლიუშმა (79') სხვაობა ერთ ბურთამდე შეამცირა, შემდეგ კი ჟან-ფილიპ მატეტამ (90+3') წონასწორობა აღადგინა და მატჩი დამატებით ტაიმებში გადავიდა.
მე-100 წუთზე სერხიო კამელიომ ესპანეთი ისევ დააწინაურა, მატჩის მიწურულს (120+1') კი მეორეც შეაგდო და პირენეელებმა 5-3 იმარჯვეს.
ოლიმპიადაზე ფერმინმა გაიბრწყინა - მის ანგარიშზე 6 მატჩში 6 გოლი და 1 ასისტია.
ბარსელონელთა მხრიდან სასტარტო შემადგენლობაში პაუ კუბარსი და ერიკ გარსიაც იყვნენ.
ამ სიახლეზე კომენტარები გათიშულია.
კომენტარები [ 21 ]