ტერ შტეგენი გერმანიის ნაკრების პირველი მეკარე იქნება

დღეს ცნობილი გახდა, რომ ლეგენდარულმა გერმანელმა მეკარემ, მანუელ ნოიერმა სანაკრებო კარიერა დაასრულა. ეს კარგი ამბავია "ბარსელონას" კარის დარაჯისთვის, მარკ-ანდრე ტერ შტეგენისთვის.

32 წლის მეკარე მთელი საფეხბურთო კარიერის განმავლობაში ნაკრების მეორე ნომრად მიიჩნეოდა და მოსალოდნელი იყო, რომ ნოიერის წასვლის შემდეგ პირველი ნომერი სწორედ ის გახდებოდა. Sky Sports Germany-ს ცნობით ასეც იქნება და მარკ-ანდრეს "დი მანშაფტის" მთავარი მეკარეობა გადაწყვეტილია.

ტერ შტეგენს გერმანიის ნაკრებში დებიუტი 2012 წელს ჰქონდა. მან ეროვნული გუნდის მაისურით 40 თამაში ჩაატარა, მაგრამ დიდ სანაკრებო ტურნირზე არასდროს უთამაშია.