ვოიცეხ შესნის ტრანსფერი გადაწყდა - პოლონელი ბარსელონაში ითამაშებს
ფაბრიციო რომანოს ინფორმაციით, ტრანსფერი უკვე გადაწყდა - შესნი კარიერას განაახლებს და ბარსელონასთან 1-წლიან კონტრაქტს გააფორმებს, რათა ტერ შტეგენი შეცვალოს.
34 წლის ფეხბურთელის სამედიცინო შემოწმება მომდევნო დღეებში, ესპანეთში ჩატარდება.
შესნი ბარსას ისტორიაში მე-2 პოლონელი მოთამაშე იქნება. ამ ქვეყნის პირველი წარმომადგენელი, რომელმაც "ბლაუგრანაში" ითამაშა, რობერტ ლევანდოვსკია.
Relevo-ს ცნობით, ვოიცეხ შესნიმ ბარსელონასგან შეთავაზება გუშინ მიიღო და მზადაა, ბარსას სეზონის ბოლომდე დაეხმაროს.
კატალონიურ გრანდს პოლონელის ჩემპიონთა ლიგაზე დარეგისტრირება დაუყოვლებლივ შეეძლება. წესების მიხედვით, თუ კლუბს ტრავმის გამო მინიმუმ 2 მეკარე არ ჰყავს, მისი შემცვლელის დარეგისტრირების უფლება აქვს. "ბლაუგრანას" პირველ გუნდში ამჟამად 2 კიპერია დარეგისტრირებული: ტერ შტეგენი და ინიაკი პენია - ვინაიდან გერმანელი ტრავმირებულია, ბარსას მისი შეცვლა შეუძლია.
ბარსელონა კეილორ ნავასის ვარიანტსაც განიხილავდა, რომელიც მზადაა, "ლურჯ-ბროწეულისფერებს" შეუერთდეს, მაგრამ ჰანსი ფლიკმა არჩევანი შესნიზე შეაჩერა.
ამ სიახლეზე კომენტარები გათიშულია.
კომენტარები [ 25 ]