ბარსელონა-ატლეტიკო - ჰანსი ფლიკის მატჩისწინა პრესკონფერენცია
- თამაშის დრო: შაბათი, 21 დეკემბერი, 23:55
"ბარსელონას" მთავარმა მწვრთნელმა ჰანსი ფლიკმა "ატლეტიკოსთან" დაპირისპირების წინ პრესკონფერენცია გამართა.
საკვანძო ფეხბურთელები დავკარგეთ და მხოლოდ დანი ოლმო და პაუ ვიქტორი გავიფორმეთ. გუნდი უმჯობესდება. რა თქმა უნდა, ამ მდგომარეობით კმაყოფილები არ ვართ, მაგრამ ბოლომდე ვიბრძოლებთ. იოლი არაა, მაგრამ გვინდა, ყველა ტიტული მოვიგოთ.
ლევანდოვსკის შეცვლა? ასეთ მომენტებში გადაწყვეტილება უნდა მიიღო. ფერან ტორესმა წინა მატჩებში ძალიან კარგად ითამაშა.
კრისტენსენი განაცხადში არ იქნება.
"ატლეტიკო"? გამარჯვებების სერიის შენარჩუნება შეუძლებელია. "ატლეტიკოს" დიდ პატივს ვცემ. მომწონს ჩოლო სიმეონეს პიროვნება და მისი თამაშისადმი დამოკიდებულება, რაც მის გუნდში აისახება. თუმცა, ეს არაფერს ცვლის - ჩვენ მოგება გვინდა.
"ატლეტიკოს" წინააღმდეგ გულშემატკივრების მხარდაჭერა მნიშვნელოვანია. იმედი გვაქვს, კარგად ვითამაშებთ და ფანები გამარჯვებას იზეიმებენ.
ორდღიანი დასვენება "ლეგანესთან" თამაშის შემდეგ? დასვენება გვჭირდებოდა და ვფიქრობ, ეს კარგი იდეა იყო. ამის შემდეგ ძალიან კარგად ვვარჯიშობთ, ასე რომ, მჯერა, ეს კარგი გადაწყვეტილება იყო.
დღევანდელი მდგომარეობით ლა ლიგაში პირველ ადგილზე ვართ, ჩემპიონთა ლიგაზე კი - მეორეზე. გარკვეული ქულები დავკარგეთ, რაც გულდასაწყვეტია, რადგან "ლას პალმასთან" და "ლეგანესთან" უნდა მოგვეგო. თუმცა, ამას უნდა შევეგუოთ. ხვალ კიდევ ერთი შანსი გვაქვს იმის საჩვენებლად, თუ რისი გაკეთება შეგვიძლია. ახალგაზრდული შემადგენლობა გვყავს და უნდა გავუმჯობესდეთ, მაგრამ სეზონის ბოლომდე ვიბრძოლებთ. ხვალ გვაქვს კიდევ ერთი დიდი გამოწვევა შესანიშნავი გუნდის წინააღმდეგ.
უნდა შევეგუოთ, რომ იამალს ტრავმა აქვს და ის ხელმიუწვდომელია. მისი შეცვლის რამდენიმე ვარიანტი გვაქვს, მაგრამ გადაწყვეტილება ჯერ არ მიგვიღია.
დღევანდელი მატჩი ფინალი არაა. ეს უბრალოდ 2024 წლის ბოლო თამაშია.
ამ სიახლეზე კომენტარები გათიშულია.
კომენტარები [ 10 ]