ფაბრეგასს გუნდთან ერთად არ უვარჯიშია

ცესკ ფაბრეგასს ლონდონური კლუბის ფეხბურთელებთან ერთად არ უვარჯიშია. მან ვარჯიში სავარჯიშო დარბაზში არჩია...

მოგეხსენებათ გუშინ გავრცელდა ინფორმაციები, რომ კატალონიელი ფეხბურთელი, ცესკ ფაბრეგასი 5 ივლისიდან გუნდთან ერთად ივარჯიშებდა. ცესკმა ივარჯიშა, თუმცა არა თავის თანაგუნდელებთან და არა არსენ ვენგერის მეთვალყურეობის ქვეშ. მან ვარჯიში სავარჯიშო დარბაზში არჩია. 

შეგახსენებთ, რომ კატალონიურმა მხარემ მეთოფეებს კატალონიელის სანაცვლოდ 35 მილიონი ევრო შესთავაზა და ამ შეთავაზების გაზრდას არ გეგმავს, როდესაც თავად ლონდონელები ფაბრეგასში მინიმუმ 40 მილიონ ევროს თხოულობენ. ზაფხულის დრამა გრძელდება...