ბარსელონა 🆚 რეალ მადრიდი | ურთიერთშეხვედრების ისტორია

მიმდინარე სეზონში რეალ მადრიდის ზედიზედ 4-ჯერ დამარცხების შემდეგ, ბევრს აინტერესებს, ბარსელონას ელ კლასიკოში როგორი სტატისტიკა აქვს.

ისტორიის განმავლობაში, ბარსელონასა და რეალ მადრიდს ერთმანეთის წინააღმდეგ 261 ოფიციალური დაპირისპირება გაუმართავთ: 104 მატჩი ბარსამ მოიგო, 106 შეხვედრაში მადრიდელებმა იმარჯვეს, 51 ჯახი კი ფრედ დასრულდა. კატალონიურმა გრანდმა “ლოს ბლანკოსს” 435 გოლი გაუტანა და 443 გაუშვა.

2000 წლიდან დღემდე, ბარსელონამ და რეალ მადრიდმა ერთმანეთის წინააღმდეგ 76 ოფიციალური მატჩი ჩაატარეს: 31 ბარსამ მოიგო, 28-ჯერ გამარჯვება მადრიდელებს დარჩათ, 17 შეხვედრა კი ფრედ დასრულდა. “ბლაუგრანამ” 136 გოლი გაიტანა, საკუთარ კარში კი 118 მიიღო.

2010 წლიდან დღემდე კი სტატისტიკა ასეთია: ბარსელონამ 54 ოფიციალურ მატჩიდან 24 მოიგო, 20 წააგო, 10 ფრედ ითამაშა, 104 გოლი გაიტანა და 86 გაუშვა.

ელ კლასიკოს ყველა დროის საუკეთესო ბომბარდირი 26 გოლით ლიონელ მესია, რომელსაც 18-18 გოლით კრიშტიანუ რონალდუ და ალფრედო დი სტეფანო მოჰყვებიან. 16 გოლია ქარიმ ბენზემას ანგარიშზე, რაულ გონსალესს კი 15 გოლი აქვს.

მომდევნო სეზონში ბარსელონას კარში შანსი ექნება, რეალ მადრიდს ურთიერთშეხვედრებში გადაასწროს.