კარგი ამბავი პიკესა და რუბიალესის შესაძლო კორუფციულ საქმესთან დაკავშირებით

ესპანეთის ფეხბურთის ფედერაციის ყოფილ პრეზიდენტ ლუის რუბიალესს ძალები მოემატა პიკესთან დაკავშირებული კორუფციის საქმეში საგადასახადო გამოძიების შემდეგ.

ესპანეთის სამეფო ფეხბურთის ფედერაციის (RFEF) ყოფილმა პრეზიდენტმა ლუის რუბიალესმა დადებითი სიახლე მიიღო მის წინააღმდეგ მიმდინარე გამოძიებაში, რომელიც ესპანეთის სუპერ თასის საუდის არაბეთში გადატანასთან არის დაკავშირებული. აღნიშნული გარიგება გამოძიების ქვეშაა რუბიალესისა და ჟერარ პიკეს შესაძლო მონაწილეობით.

სახელმწიფო ბრალდება რუბიალესს ბრალს სდებს კორპორაციულ კორუფციაში, ფულის გათეთრებასა და კორუფციაში მის პრეზიდენტობის პერიოდში. 2019 წელს სუპერ თასის საუდის არაბეთში გადატანით RFEF-მა 40 მილიონი ევრო მიიღო, საიდანაც "ბარსელონას" ყოფილი ფეხბურთელის, ჟერარ პიკეს კომპანიის, Kosmos-ის საკომისიო 4 მილიონ ევროს შეადგენდა. გაჟონილ აუდიოჩანაწერებში პიკე რუბიალესს სთხოვს, უზრუნველყოს, რომ საუდის არაბეთის სახელმწიფო საინვესტიციო ფონდმა ფული Kosmos-ს გადაუხადოს.

საგადასახადო სამსახურმა დარღვევა ვერ აღმოაჩინა რუბიალესის შემოსავალში

როგორც Europa Press იუწყება, რუბიალესის ადვოკატებმა წარადგინეს ეროვნულ საგადასახადო სამსახურში ჩატარებული შემოსავლების ანალიზის შედეგები 2020-2022 წლებისთვის. მათ მიერ შემოწმებულ დეკლარაციებში არ აღმოჩნდა არანაირი დარღვევა ან საეჭვო შემოსავალი. ეს დოკუმენტაცია რუბიალესის ადვოკატმა გამომძიებელს უკვე წარუდგინა.

პიკეს ემოციური ჩვენება

ბოლოდროინდელ სასამართლო პროცესზე პიკემ ოფიციალურად მისცა ჩვენება და თავისი უდანაშაულობა დაიცვა. მან ემოციური გამოსვლისას ტირილიც დაიწყო და აღნიშნა, თუ როგორ იმოქმედა ამ გამოძიებამ მის რეპუტაციასა და პირად ცხოვრებაზე.

რუბიალესს სამ სხვადასხვა საქმეში ედავებიან

ეს საქმე რუბიალესის წინააღმდეგ მიმდინარე სამიდან ერთ-ერთია. მეორე გამოძიება ეხება იმ კონტრაქტებს, რომლებიც მან RFEF-ის პრეზიდენტობისას გააფორმა. გარდა ამისა, 2023 წელს მას ჯენი ერმოსოს უნებართვოდ კოცნის გამო სექსუალური ძალადობის მუხლით დამნაშავედ ცნეს და დააჯარიმეს, თუმცა როგორც რუბიალესმა, ისე ბრალდების მხარემ ეს განაჩენი გაასაჩივრეს.