რეკორდები, რეკორდები... ყველაზე ახალგაზრდაც, ყველაზე ასაკოვანიც...

ჩემპიონთა ლიგის 1/8-ფინალში "ნიუკასლთან" გამართულ მატჩში (7-2) "ბარსელონას" ფეხბურთელებმა რამდენიმე რეკორდი დაამყარეს.

რობერტ ლევანდოვსკი გახდა ჩემპიონთა ლიგის ისტორიაში ყველაზე ასაკოვანი ფეხბურთელი, რომელმაც ერთ მატჩში 2 გოლი გაიტანა. "ნიუკასლთან" დუბლის დროს პოლონელი 37 წლისა და 209 დღის იყო. აქამდე რეკორდი ფილიპო ინძაგის ეკუთვნოდა, რომელმაც ლიგაზე დუბლი 2010 წელს, "მილანისა" და "რეალ მადრიდის" მატჩში 37 წლისა და 86 დღის ასაკში გაიფორმა.

18 წლისა და 248 დღის ლამინ იამალი გახდა ჩემპიონთა ლიგის ისტორიაში ყველაზე ახალგაზრდა ფეხბურთელი, რომელმაც 10 გოლის გატანა მოახერხა. ესპანელმა ტალანტმა კილიან მბაპეს რეკორდი მოხსნა, რომელმაც 10-გოლიან ნიშნულს 18 წლისა და 350 დღის ასაკში მიაღწია.

ფერმინ ლოპესს ჩემპიონთა ლიგის მიმდინარე გათამაშებაში უკვე 10 საგოლე მოქმედება დაუგროვდა (6 გოლი, 4 ასისტი). ის "ბარსას" ისტორიაში პირველი ესპანელია, რომელსაც ჩემპიონთა ლიგის ერთ გათამაშებაში ამდენი საგოლე მოქმედება ჰქონია.

"ბლაუგრანას" ისტორიაში პირველად მოხდა, რომ გუნდმა ჩემპიონთა ლიგის ერთ მატჩში 7 გოლი გაიტანა. აქამდე "ბარსას" ეს "ლევერკუზენთან" 2012 წელს (7-1) და "სელტიკთან" 2026 წელს (7-0) ჰქონდა გაკეთებული.