ლონდონში 19 ფეხბურთელი გაემგზავრება
"ბარსელონას" ფეხბურთელებმა გუშინ, ლა ლიგის 25–ე ტურში "ლას პალმასი" 2:1 დაამარცხეს, დღეს კი გუნდმა ჩემპიონთა ლიგის მატჩისთვის დაიწყო მზადება. ვარჯიშს პირველი გუნდის ყველა ხელმისაწვდომი მოთამაშე ესწრებოდა.
როგორც იცით ჩემპიონთა ლიგის 1/8 ფინალურ შეხვედრაში "ბარსელონას" "არსენალი" უმასპინძლებს. დღეს გამართული სავარჯიშო სესიის შემდეგ ლუის ენრიკემ დაასახელა ის 19 მოთამაშე, რომლებიც ხვალ ლონდონში გაემგზავრებიან.
ტრავმის გამო გუნდის დახმარებას რაფინია ალკანტარა ვერ შეძლებს, ასევე არდა თურანი, რომელსაც დისკვალიფიკაცია აქვს. ხოლო მთავარი მწვრთნელის გადაწყვეტილებით ბარსელონაში სანდრო, დუგლასი და ბარტრა დარჩებიან.
"არსენალთან" გასამართი მატჩისთვის "ბარსელონას" განაცხადი ასე გამოიყურება: ტერ შტეგენი, ბრავო, მასიპი, პიკე, რაკიტიჩი, ბუსკეტსი, ალვესი, ინიესტა, მესი, სუარესი, ნეიმარი, მასკერანო, მუნირი, ალბა, ს. რობერტო, ადრიანო, ვიდალი, ვერმალენი, მატიე.
გუნდი ხვალ, დღის მეორე ნახევარში 22:00 საათზე "ემირეითსის" სტადიონზე დასკვნით ვარჯიშს გამართავს, ხოლო "არსენალსა" და "ბარსელონას" შორის შეხვედრა, სამშაბათს 23:45 საათზე დაიწყება.
ამ სიახლეზე კომენტარები გათიშულია.
კომენტარები [ 62 ]