სერხი რობერტო: "ბარსელონას" ტრიპლეტის შესრულება კვლავ შეუძლია"

ახალგაზრდა ნახევარმცველი თავისი გუნდის მიზნებზე საუბრობს.

"გვესმის, რომ ტრიპლეტის შესრულება კიდევ ერთხელ შეგვიძლია. "ბარსელონა" ესპანეთის თასის ფინალში გავიდა. ლა ლიგის დასრულებამდე ათი ტურია დარჩენილი. რაც შეეხება უეფას ჩემპიონთა ლიგას, მისი მოპოვება საკმაოდ რთული იქნება, თუმცა ამისთვის ყველაფერს ვეცდებით. ზედიზედ მეორეჯერ მოგება ისტორიული მიღწევა იქნება", - ამბობს სერხი რობერტო.

"გუნდი ბრწყინვალე ფორმაში იმყოფება. გვინდა, სეზონი მაქსიმალურად კარგად დავასრულოთ".

"არსენალი" სერიოზული მოწინააღმდეგეა. გასვლაზე "ბარსამ" ანგარიშით 0-2 გაიმარჯვა, თუმცა განმეორებითი შეხვედრა ადვილი არ იქნება. პირველივე წუთიდანვე მოედანზე მოსაგებად გავალთ", - დაასრულა 24 წლის ფეხბურთელმა.