ნეიმარი: "ბარსელონაში" სხვა კლუბებზე არ ფიქრობენ"

"ბარსელონას" თავდამსხმელმა, ნეიმარმა, "ატლეტიკოსთან" გამარჯვების შემდეგ (2:1) კომენტარი გააკეთა.

"ჩვენ ძალიან კმაყოფილები ვართ. ვიცოდით, როგორი რთული იქნებოდა "ვისენტე კალდერონზე", რადგან "ატლეტიკო" შესანიშნავი გუნდია. მაგრამ იქ გამარჯვებისთვის ჩავედით და ძალიან მოხარულები ვართ, რომ სასურველის მიღწევა შევძელით.

ჩვენ არ ვფიქრობთ სხვა გუნდებზე. თავად უნდა გავიმარჯვოთ ყოველ მატჩში. სხვა კლუბები თავიანთ სამუშაოს შეასრულებენ, ჩვენ - ჩვენსას." - ციტირებს ნეიმარს Marca.