მესი 7 ფეხბურთელისა და ფერნანდესის წასვლას მოითხოვს

"ბარსელონას" ფორვარდს, ლიონელ მესის სურს, რომ ზაფხულში კლუბმა მნიშვნელოვანი სატრანსფერო რეფორმა გაატაროს და გაუშვას ფეხბურთელები, რომლებიც გუნდის დონეს არ შეესაბამებიან.

Diariogol-ის თანახმად, არგენტინელი მიიჩნევს, რომ მისი რამდენიმე პარტნიორი გუნდს ვერ აძლიერებს. "ბარსელონას" ლიდერის აზრით, კლუბი ანდრე გომეშის, ალეიშ ვიდალის, პაკო ალკასერის, ჟერემი მატიეს, არდა თურანის, ლუკა დინისა და დენის სუარესისგან უნდა გათავისუფლდეს. ეს მოთამაშეები ძირითადი შემადგენლობის წევრები არ არიან.

ამასთანავე, მესი მიიჩნევს, რომ გასული წლის სატრანსფერო კამპანია სპორტული დირექტორის, რობერტ ფერნანდესის გამო ჩავარდა, რის გამოც მან ზაფხულში კლუბი უნდა დატოვოს.