ბარსელონა-სევილია - ჰანსი ფლიკის მატჩისწინა პრესკონფერენცია

"სევილია" დინამიური გუნდია. მათ ბურთის ფლობა უყვართ და ეს უნდა გავაკონტროლოთ.

დე იონგის სასტარტო შემადგენლობაში დაყენებაზე ვფიქრობდი, რადგან ის მზადაა, მაგრამ ვნახოთ.

შემიძლია გითხრათ, რომ გავი, ოლმო და ფერმინი მზადყოფნაში არიან. დიდი ალბათობით, ისინი სათადარიგოზე იქნებიან.

მეკარის პოზიცია? ხვალ ცვლილების მიზეზი არ არსებობს. პენია ძირითადში ითამაშებს.

ჩავისთან შეხვედრა? როდესაც გერმანიის ნაკრების მწვრთნელი ვიყავი, მასთან კარგი ურთიერთობა მქონდა. ახლა სიტუაცია განსხვავებულია. ინიესტას ღონისძიებით ვისარგებლე და მას უბრალოდ ვთხოვე, ყავა ერთად მიგვერთვა. ჩავი ჩემი სახლიდან შორს არ ცხოვრობს. დანარჩენი ჩემსა და მას შორის პირადულია.

ჩემპიონთა ლიგაზე მეკარეების ცვლილება არ დაგვიგეგმავს. არასდროს იცი, რა მოხდება, მაგრამ ხვალ პენია ითამაშებს და ასე იქნება "ბაიერნთანაც". შჩესნითაც ძალიან კმაყოფილი ვარ.

იამალს ვესაუბრე. ის 100%-ით მზადაა.

არსებობს შანსი, რომ ფატიმ ხვალ სასტარტოში ითამაშოს, მისი გაუმჯობესება შთამბეჭდავია, მაგრამ ანსუსთვის, რაფინიას თამაშის გათვალისწინებით, სათამაშო დროის მოპოვება იოლი არაა. ფაქტობრივად, ეს მარტივი არავისთვისაა.