"ვალენსიას" მწვრთნელი: "ბარსას" ზედიზედ 10 თამაშის მოგება შეუძლია"

"ვალენსიას" მთავარი მწვრთნელი პაკო აიესტარანი, "კამპ ნოუზე" მოგებული თამაშის (2:1) შემდეგ კომენტარს აკეთებს და აცხადებს, რომ "ბარსელონას" ყველა დარჩენილ თამაშში გამარჯვება შეუძლია.

"ისეთ გუნდთან თამაშის დროს, რომელიც ბევრ სახიფათო მომენტს ქმნის, სრული კონცენტრაცია და ერთ გუნდად თამაშია საჭირო. და, რა თქმა უნდა, იღბალიც.

ჩვენ ჩვენი მომენტები გამოვიყენეთ, "ბარსელონამ" კი - ვერა. კატალონიელები, ამ სტადიონზე, მატჩების 90%-ს იგებენ, ჩვენ კი დანარჩენ 10%-ს.

შეუძლია თუ არა "ბარსელონას" დარჩენილი 5 თამაშის მოგება? კატალონიელებს ზედიზედ 5, 8 და 10 თამაშის მოგება შეუძლიათ, მაგრამ ახლა მათ ნერვიულობის საბაბი აქვთ."