პიანიჩის ტრანსფერში "ბარსას" "რეალი" შეეცილება

ესპანური Marca-ს ცნობით, მადრიდის "რეალი" მზადაა "ბარსელონათან" "რომას" ნახევარმცველის, მირალემ პიანიჩისთვის ბრძოლა გამართოს.

როგორც ცნობილია, "რომას" ბოსნიელი ფეხბურთელი "ბარსელონას" ერთ-ერთი სამიზნეა. გავრცელებული ინფორმაციით, კატალონიელები მზად არიან 25 წლის ნახევარმცველში 40 მილიონი ევრო გადაიხადონ.

ესპანელი ჟურნალისტების ცნობით, "რეალი" აპირებს, "ბარსელონას", თუ მოედანზე ვერა, მოედანს მიღმა მაინც გაუწიოს კონკურენცია და პიანიჩსითვის მადრიდელებიც იბრძოლებენ.

მირალემ პიანიჩი "რომაში" 2011 წლიდან თამაშობს. ბოსნიელმა იტალიელთა მაისურით 160 შეხვედრა ჩაატარა და 26 გოლი გაიტანა.