მზადება ”სევილიასთვის” დაიწყო

პირველი გუნდის ფორმაში მყოფმა 17 ფეხბურთელმა, პლიუს სესკ ფაბრეგასმა, ”ბარსა ბ”-დან სამმა და ”ხუვენილ ბ-დან ერთმა ფეხბურთელმა ივარჯიშა სიუტატ ესპორტივას მეორე მოედანზე გუშინ შუადღით. ალექსისი და პიკე გუნდისგან განცალკევებით ვარჯიშობენ.

ჩემპიონთა ლიგის მე-3 მატჩის შემდეგ ფეხბურთელები ვარჯიშს დაუბრუნდნენ. პეპ გვარდიოლას განკარგულებაში 22 ფეხბურთელია: 17 პირველი გუნდის, სესკ ფაბრეგასი (მას თამაშის უფლება არ მიუღია), ”ბარსა ბ”-დან სამი ფეხბურთელი (მინიო, ორიოლ როსელი და სერხი გომესი) და ერთი ფეხბურთელი ”ხუვენილ ბ”-დან, ჟოელ უერტასი. უერტასი 1995 წლის 9 მაისს არის დაბადებული. ის მარცხენა ნახევარმცველია.

ალექსის სანჩესი და ხერარდ პიკე, პირველი გუნდის 2 ტრავმირებული ფეხბურთელი ასევე ვარჯიშობდა სიუტატ ესპორტივას მე-2 მოედანზე. ორივე მათგანი აღდგენით ვარჯიშებს ატარებდა გუნდისგან განცალკევებით.

გუნდი ვარჯიშს პარასკევს, დილის 11 საათზე გამართავს. ეს იქნება ”სევილიასთან” გასამართ მატჩამდე ბოლოსწინა ვარჯიში. სესიის შემდეგ პეპ გვარდიოლა ჟურნალისტების წინაშე წარსდგება.