როსელი: "ნეიმარზე გვარდიოლას ესაუბრეთ"

კატალონიის "ბარსელონას" პრეზიდენტმა, სანდრო როსელმა განაცხადა, რომ იგი არ აპირებს კლუბის სამწვრთნელო შტაბის საქმეებში ჩარევას. იტყობინებიან გავლენიანი ესპანური გამოცემები.

როსელმა ასეთი განცხადება მას შემდეგ გააკეთა, რაც ჟურნალისტებმა კითხეს ბრაზილიელი ტალანტის, ნეიმარ და სილვას, შესაძლო ტრანსფერთან დაკავშირებით კატალონიურ გრანდში: "ამ საკითხზე არანაირი კომენტარის გაკეთება არ შემიძლია. თუკი რაიმეს მოსმენა გსურთ "სანტოსის" ბრაზილიელ თავდამსხმელზე, მაშინ პეპ გვარდიოლას ჰკითხეთ!". დაასრულა სანდრო როსელმა

შეგახსენებთ, რომ ბრაზილიელ ტალანტზე ასევე "ნადირობს" "ბარსელონას" დაუძინებელი მტერი, მადრიდის "რეალი".