გულშემატკივრები ტელიოს თამაშს ითხოვენ

ესპანური საიტი ”sport.es” ატარებს გამოკითხვას, თუ რა შემადგენლობის ხილვა სურთ ”ბარსას” ქომაგებს გუნდის მომდევნო შეხვედრაში.

”ბარსას” ქომაგების უმეტესობას ”ვალენსიასთან” შეხვედრაში 4-3-3 ტაქტიკით თამაში სურს. მათი აზრით დაცვაში აბიდალმა, პიკემ, პუიოლმა და ადრიანომ უნდა იმოქმედონ. რაც შეეხება ნახევარდაცვას, აქ მათ გამანადგურებელი სამეულის, ბუსკეტსი-ჩავი-ინიეტას ხილვა სურთ. სესკ ფაბრეგასი, რომელმაც ბოლო შეხვედრებში თამაშის ხარისხს უკლო სათადარიგო სკამზე რჩება.

”ბარსელონას” შეტევის ხაზში გულშემატკივრებს კრისტიან ტელიოს დაყენება სურთ, რომელმაც პრიმერას ბოლო 2 ტურში 2 გოლის გატანა მოახერხა. ტელიოს მათი აზრით ლეო მესი და ალექსის სანჩესი უნდა შეუწყვილდნენ.