მესი წლის საუკეთესო სპორტსმენია

კატალონიის "ბარსელონას" არგენტინელი ლიდერი ლიონელ მესი ESPY-ს ჯილდოს მფლობელი გახდა, რაც იმას ნიშნავს, რომ იგი წლის საუკეთესო სპორტსმენია.

კომპანია ESPN წლის საუკეთესო სპორტსმენს 1993 წლიდან ავლენს. დაჯილდოების რიგით მე-20 ცერემონიალზე, 2012 წლის საუკეთესო სპორტსმენად ლიონელ მესი დასახელდა. არგენტინელმა შემტევმა ისეთ სპორტსმენებს აჯობა, როგორებიც ფეხბურთელი კრიშტიანუ რონალდუ, ჩოგბურთელი ნოვაკ ჯოკოვიჩი და გოლფის მოთამაშე იანი ცენგი არიან.

2011-12 წლების სეზონში, "ბარსელონას" მაისურით, მესიმ 73 გოლი გაიტანა. იგი გუნდს ესპანეთის თასის, ქვეყნისა და ევროპის სუპერთასების, ასევე მსოფლიოს საკლუბო ჩემპიონატის მოგებაში დაეხმარა.