"ტოტენჰემს" სერხი რობერტოს შეძენა სურს

ინგლისური "ტოტენჰემი" კატალონიის "ბარსელონას" ახალგაზრდა ნახევარმცველის, სერხი რობერტოს მიმართ ინტერესს იჩენს და ფეხბურთელის შეძენაც სურს. იტყობინება, AS.

აქამდე 21 წლის ფეხბურთელის აგენტმა "ბარსელონას" ხელმძღვანელობას შეატყობინა, რომ ფეხბურთელის მიმართ ინტერესს რამდენიმე კლუბი იჩენდა და რამდენიმე შემოთავაზებაც მიიღეს. თუმცა კატალონიური კლუბის სამწვრთნელო შტაბს გეგმაში სერხი რობერტოს გაყიდვა არ აქვთ. ახალგაზრდა ფეხბურთელმა მიმდინარე სეზონში სეგუნდა დივიზიონში 21 შეხვედრა ჩაატარა და 1 გოლი გაიტანა.