"მანჩესტერ სიტი" სესკ ფაბრეგასის შეძენას შეეცდება

უახლოვეს ზაფხულში ინგლისური "მანჩესტერ სიტი" კატალონიის "ბარსელონას" 26 წლის ესპანელი ნახევარმცველის, სესკ ფაბრეგასის შეძენას შეეცდება. გავლენიანი ესპანური გამოცემის, Mundo Deportivo-ს ცნობით, ესპანელი ფეხბურთელი "სიტის" საზაფხულო ტრანსფერების სიაში მთავარი სამიზნეა. 

ფაბრეგასის გარდა ამ სიაში არიან, ურუგვაელი ედინსონ კავანი ("ნაპოლი"), უელსელი გარეთ ბეილი ("ტოტენჰემი") და ჰოლანდიელი არიენ რობენი ("ბაიერნი"). აღსანიშნავია ის ფაქტიც, რომ ფაბრეგასმა ცოტახნისწინ უკვე განაცხადა, რომ "ბარსელონადან" წასვლას არ აპირებს.