ლაუდრუპმა ნეიმარზე ისაუბრა

”სუონსის” მწვრთნელმა, მიქაელ ლაუდრუპმა ისაუბრა ”ბარსელონას” ახალწვეულ ნეიმარზე და ახალგაზრდა ბრაზილიელი ფეხბურთელი ლიონელ მესის შეადარა.

”არ მინდა ვინმეს შევადარო, მაგრამ შევხედოთ ლიონელ მესის. იგი 169სმ-ია და არ ითვლება ფიზიკურ ძლიერ მოთამაშედ, თუმცა ჩვენ ვხედავთ თუ რას აკეთებს ლეო მოედანზე. კი, ნეიმარი სამხრეთ-ამერიკაში ფანტასტიური მოთამაშე იყო, მაგრამ ცხადია - ევროპაში სულ სხვა ფეხბურთია. ყველა ელოდება მის დებიუტს. აბსოლიტურად ყველა ფეხბურთის გულშემატკივარს აინტერესებს, თუ რა შეუძლია ნეიმარს ევროპაში. ექნება თუ არა ნეიმარს პრობლემები სიმაღლესთან დაკავშირებით? ამას ჯერ ნამდვილად ვერ გეტყვით.” - განაცხადა ლაუდრუპმა. 

”სანტოსში” ნეიმარმა ოთხი ბრწყინვალე სეზონი ჩაატარა. მან 103 თამაშში მიიღო მონაწილეობა და 54 გოლის გატანაც შეძლო.