როსელი: "მესი საუკეთესოა"

"ბარსელონას" პრეზიდენტმა სანდრო როსელმა, ნეიმარის კლუბში გადმოსვლის შემდეგ, მასსა და მესის შორის შესაძლო კონფლიქტზე ისაუბრა.

"მესიზე უკეთესი არავინაა. ის საუკეთესოა კლუბის ისტორიაში. ჩემთვის კი ის ფეხბურთის ისტორიაშიც საუკეთესოა.

მხატვრულად რომ ვთქვათ, ის ერთადერთი ქათამია საქათმეში. ვფიქრობ, მასსა და ნეიმარს შორის არანაირი კონფლიქტი არ იქნება. ისინი შესანიშნავი ფეხბურთელები და ადამიანები არიან, დიდი გულით. გააკეთებენ ყველაფერს იმისათვის, რათა გუნდი იმ სიმაღლეზე აიყვანონ, როგორიც გასულ წლებში ჰქონდა. " - განაცხადა როსელმა.