პედრო: "ვილია ძალიან მაკლია"

კატალონიის "ბარსელონასა" და ესპანეთის ეროვნული ნაკრების 26 წლის თავდამსხმელმა, პედრო როდრიგესმა "ბარსელონას" ყოფილი ფორვარდი, დავიდ ვილია გაიხსენა, რომელიც ამჟამად მადრიდის "ატლეტიკოში" გამოდის. 

"მე ვიცი და ვაცნობიერებ, რომ "ბარსელონაშიც" და ესპანეთის ეროვნულ ნაკრებშიც ძალიან რთული ბრძოლა მელის ძირითად შემადგენლობაში მოსახვედრად, მაგრამ მე ამისთვის მზად ვარ. დარწმუნებული ვარ, რომ დაუღალავი ვარჯიში დამეხმარება მე სათამაშო დროის მიღებაში. მე ძალიან ბედნიერი ვარ, რომ ვილიამ "ატლეტიკოში" სეზონი წარმათებით დაიწყო, მაგრამ მე ვისურვებდი, რომ ის "ბარსელონაში" დარჩენილიყო. მე ის ძალიან მაკლია, როგორც მოედანზე, ასევე მის გარეთაც." - განაცხადა, პედრომ.