ალბა მატჩის შემდეგ

კატალონიის "ბარსელონას" 25 წლის ესპანელმა მცველმა, ჟორდი ალბამ განაცხადა, რომ მისი აზრით "ელ კლასიკოში" მისმა გუნდმა დამსახურებული გამარჯვება მოიპოვა (4:3).

"ეს ძალიან სანახაობრივი მატჩი იყო. ჩვენ ძალიან კარგად დავიწყეთ, თუმცა მეტოქეს მივეცით საშუალება ანგარიში გაეთანაბრებინა და თამაშში დაბრუნებულიყო. ძალიან კარგად ვიცოდით, რომ დიდი ძალისხმევა და მაქსიმალურად მჭიდრო მოქმედებები იყო საჭირო, რათა მეტოქეზე კონტრშეტევაზე გადმოსვლის საშუალება არ მიგვეცა - ამის საშუალებით, მათ შეეძლოთ მომენტების შექმნა. ჩვენ დამსახურებულად გავიმარჯვეთ." - განაცხადა, ალბამ.