„ბარსელონა“ - „ბეტისი“. საინტერესო ფაქტები

"ბარსელონამ" "ბეტისი" ლეო მესის დუბლისა და ჟორდი ფიგერასის მიერ საკუთარი კარში გატანილი გოლის წყალობით დაამარცხა. "ბარსას" ბოლო გატანილი 8 გოლიდან 7 მესისა და ნეიმარის ანგარიშზეა. მერვე გოლი "ბეტისის" მცველმა გაიტანა. ბოლო ოთხ მატჩში არგენტინელმა და ბრაზილიელმა გოლები გაინაწილეს. გთავაზობთ სხვა საინტერესო ფაქტებს შაბათს, "კამპ ნოუზე" გამართული მატჩიდან:

• "რეალ ბეტისის" კარში გატანილი ორი გოლით, ლეო მესი (25) ლა ლიგის ბომბარდირთა დავაში დიეგო კოსტას გაუთანაბრდა. არგენტინელი მხოლოდ სამი გოლით ჩამორჩება კრიშტიანუ რონალდუს.
• მესის ანგარშზე 2014 წელს უკვე 24 გოლია. მან ბოლო 7 მატჩში 12 ბურთი გაიტანა.
• "ბარსამ" ახლა უკვე "კამპ ნოუზე" გამართულ ზედიზედ 48 მატჩში გაიტანა გოლი. ბოლოს, "ბლაუგრანამ" გოლის გატანა ვერ მოახერხა "სევილიას" წინააღმდეგ მატჩში, რომელიც გაიმართა 2011/12 სეზონში.
• ჩავიმ და ალექსისმა ბურთი ძელს მოარტყეს. ამ სეზონში, "ბარსამ" უკვე 25-ჯერ მოარტყა ძელს ბურთი.
• ორი პენალტი "ლურჯ-ბროწეულისფერების" სასარგებლოდ. "ბარსამ" ლა ლიგის ბოლო 4 მატჩში 5 პენალტი გაიტანა.
• ნეიმარმა პენალტი მოიპოვა "ბერნაბეუზე", "კორენლიაზე" და ახლა უკვე "ბეტისის" წინააღმდეგ მატჩში.
• "ბარსას" ამ სეზონში გატანილი აქვს 92 გოლი და ყველაზე გამტანი გუნდია ლა ლიგის მიმდინარე სეზონში.
• სერხიო ბუსკეტსმა ბურთი 16-ჯერ მოიპოვა და ის ყველაზე აქტიური "ბარსას" მოთამაშე იყო მოედანზე.
• "ბარსამ" გააკეთა 647 პასი, 540 ზუსტი და 83,5%-მა სამიზნემდე მიაღწია.
• ჩავიმ ყველაზე მეტი პასი გააკეთა (86). მათგან მხოლოდ ორმა პასმა ვერ მიაღწია დანიშნულების ადგილამდე.
• ანდრეს ინიესტა 4-ჯერ წააქციეს და ის იყო ფეხბურთელი, რომელზეც ყველაზე მეტჯერ დაჯარიმდნენ მატჩში.
• 81.978 მაყურებელი, რომელიც "კამპ ნოუზე" "ბარსას" და "ბეტისის" შორის მატჩს თვალს ადევნებდა, მეორე ყველაზე დიდი მაჩვენებელია ლა ლიგის ამ სეზონში. ყველაზე მეტი გულშემატკივარი "ელ კლასიკოზე" იმყოფებოდა.