„სევილია“ ტელიოს არენდით აყვანას გეგმავს

"ბარსელონას" 22 წლის თავდამსხმელი კრისტიან ტელიო "სევილიას" ინტერესთა სფეროში მოექცა, იტყობინება Sport.es.

ანდალუსიური კლუბი თავდამსხმელის არენდით აყვანის საკითხს განიხილავს. მოლაპარაკებები ჯერ არ დაწყებულა. მანამდე, გავრცელდა ინფორმაცია, რომ ტელიოთი "პორტუ", "რეალ სოსიედადი" და დორტმუნდის "ბორუსია" ინტერესდებიან.

2013/14 სეზონში, ახალგაზრდა ესპანელმა თავდამსხმელმა, ესპანეთის ჩემპიონატში, ჩაატარა 22 მატჩი, გაიტანა ერთი გოლი და გააკეთა ორი შედეგიანი გადაცემა.