„ბარსელონას“ „სან პაულუს“ მცველის შეძენა სურს

"ბარსელონას" "სან პაულუს" ბრაზილიელი მცველის, დუგლას პერეირას 7-8 მილიონ ევროდ შეძენას აპირებს. ამაზე ინფორმაციას ესპანური პრესა ავრცელებს.

24 წლის დუგლასი, შესაძლოა, მიმდინარე სატრანსფერო ფანჯრის დროს, "ბარსელონას" ბოლო შენაძენი გახდეს. ესპანური გამოცემების თანახმად, ტრანსფერი შეიძლება უახლოეს დღეებში დასრულდეს. ბრაზილიური კლუბი იმედოვნებს, რომ ფეხბურთელის სატრანსფერო ღირებულება 12 მილიონ ევრომდე გაიზრდება.

პერეირა "სან პაულუში" 2012 წლიდან გამოდის. 36 მატჩში მან ერთი გოლი გაიტანა.