"ბარსელონა" - "ლეონი". გუნდში სუარესის დებიუტი შედგა

კატალონიის "ბარსელონას" ახალწვეულმა, 27 წლის ურუგვაელმა ფეხბურთელმა, ლუის სუარესმა კლუბში სადებიუტო მატჩი ჩაატარა. შეგახსენებთ, რომ გამპერის სახელობის თასზე "ბარსელონამ" მექსიკური "ლეონი" გაანადგურა (6:0).

სუარესი მოედანზე 76-ე წუთზე გამოჩნდა, მან რაფაელ ალკანტარა ჩაანაცვლა. 

შეგახსენებთ, რომ ლუის სუარესს აქვს უფლება გუნდთან ერთად ივარჯიშოს, მაგრამ მისი დისკვალიფიკაცია 2014 წლის ოქტომბერში იწურება.