ლუის სუარესი: „რეალის“ კარში გატანილი გოლი - გასული სეზონის საუკეთესო მომენტია“

კატალონიის "ბარსელონას" ურუგვაელმა თავდამსხმელმა, ლუის სუარესმა კლუბში პირველი წელი შეაფასა. შეგახსენებთ, რომ 28 წლის ფეხბურთელის დებიუტი გასული წლის 25 ოქტომბერს მადრიდის "რეალთან" მატჩში შედგა.

"მე ვერასოდეს წარმოვიდგენდი, რომ ჩვენ მსგავსს სიმაღლეებს პირველივე სეზონში დავიპყრობდით. ძალიან ბევრი და მნიშვნელოვანი ნაბიჯების გადადგმა მოგვიწია, რათა ვარსკვლავური სეზონი ჩაგვეტარებინა. "რეალის" კარში გატანილი გოლი - გასულ სეზონში საუკეთესო იყო. არც თუ ისე ადვილი იყო ტრიპლეტის მოგება." - განაცხადა, სუარესმა.