"ბარსელონას" გულშემატკივრებს სუარესის ხილვა "რეალთან" მატჩში სურთ

"ბარსელონას" გულშემატკივართა უმრავლესობა მიიჩნევს, რომ გუნდის თავდამსხმელი ლუის სუარესი, ესპანეთის ჩემპიონატის მე-9 ტურის მატჩში, მადრიდის "რეალთან" შეხვედრაში, მოედანზე უნდა გავიდეს.

ამას ადასტურებს El Mundo Deportivo-ს გამოკითხვის შედეგები. მომავალ "ელ კლასიკოში", რომელიც 25 ოქტომბერსაა დაგეგმილი, ლუის ენრიკეს გუნდი "სამეფო კლუბს" ლა ლიგის ტიტულისათვის ბრძოლაში გაეჯიბრება.

გამოკითხვის შედეგების თანახმად, "ლურჯ-ბროწეულისფერების" გულშემატკივართა უმეტესობა თვლის, რომ ურუგვაის ეროვნული ნაკრების ფეხბურთელი აღნიშნულ თამაშში მოედანზე უნდა გავიდეს, მიუხედავად სათამაშო პრაქტიკის ნაკლებობისა.