მონტოიას აგენტი: "ინგლისური, გერმანული და იტალიური კლუბები მარტინით ინტერესდებიან"

"ბარსელონას" მარჯვენა მცველი მარტინ მონტოია კატალონიურ კლუბს, დიდი ალბათობით, ზამთრის სატრანსფერო ფანჯრის დროს დატოვებს. ამაზე ფეხბურთელის აგენტმა ხუან კარასკომ ისაუბრა.

"ინგლისური, გერმანული და იტალიური კლუბები მონტოიას მომსახურებით არიან დაინტერესებულნი. ისინი მის ტრანსფერზე უკვე მუშაობენ." - აცხადებს ფეხბურთელის აგენტი.

მონტოია უკმაყოფილოა სათამაშო პრაქტიკის ნაკლებობით, თუმცა, ლუის ენრიკეს განცხადებით, მას სიტუაციის შეცვლა შეუძლია.