მესი: "არსად წასვლას არ ვაპირებ"

"ბარსელონას" ვარსკვლავი ლიონელ მესი აცხადებს, რომ კატალონიური კლუბიდან მისი წასვლის შესახებ გავრცელებული ინფორმაცია ტყუილია. არგენტინელმა ასევე უარყო, რომ მან პრეზიდენტს ლუის ენრიკეს გათავისუფლება მოთხოვა.

"გუნდის დატოვებს არ ვგეგმავ. ყველაფერი, რასაც ბოლო დროს წერენ - მწვრთნელთან ურთიერთობისა და "ჩელსის" შესახებ - ყველაფერი ტყუილია. ეს ყველაფერი ტკივილს მაყენებს, რადგან ინფორმაციას კატალონიური მედია ავრცელებს და არა მადრიდული, რომელიც, როგორც წესი, ჩვენზე თავდასხმას ახორციელებს ხოლმე.

გუნდში დასარჩენად არანაირი ულტიმატუმი არ წამომიყენებია, რადგან არსად წასვლას არ ვაპირებ. "ბარსელონაში" ყველაფერი მაკმაყოფილებს."