მატიე განაცხადს დაუბრუნდა

მადრიდის "ატლეტიკოსთან" დღეს გასამართ მატჩში მონაწილეობის მიღება ჟერემი მატიესაც შეუძლია. ეს მას შემდეგ გახდა ცნობილი, რაც ლუის ენრიკემ ფრანგი მცველი განაცხადში შეიყვანა. კვლავ ტრავმირებულნი არიან ტომას ვერმალენი და დუგლასი, ხოლო კლაუდიო ბრავო, მარტინ მონტოია და სერხი რობერტო განაცხადს მიღმა მწვრთნელის გადაწყვეტილებით დარჩნენ.

"ატლეტიკოსთან" გასამართი მატჩისთვის "ბარსელონას" განაცხადი ასე გამოიყურება: ტერ შტეგენი, მასიპი, ალვესი, პიკე, ბარტრა, მასკერანო, მატიე, ადრიანო, ალბა, ბუსკეტსი, რაკიტიჩი, ჩავი, ინიესტა, რაფინია, პედრო, მესი, სუარესი, ნეიმარი.