ჩავი განაცხადს დაუბრუნდა

ლუის ენრიკემ ესპანეთის თასზე მადრიდის "ატლეტიკოსთან" გასამართი მატჩისთვის განაცხადი დაასახელა და ცნობილი გახდა, რომ "ბარსელონას" კაპიტანი ჩავი ერნანდესი დედაქალაქურ გუნდთან სათამაშოდ მზადაა.

ტრავმირებულები არიან ტომას ვერმალენი, ჟერემი მატიე და დუგლასი. განაცხადში მწვრთნელის გადაწყვეტილებით ვერ მოხვდნენ კლაუდიო ბრავო და მარტინ მონტოია.

"ბარსელონას" განაცხადი ასე გამოიყურება: ტერ შტეგენი, მასიპი, ალვესი, პიკე, ბარტრა, მასკერანო, ადრიანო, ალბა, ბუსკეტსი, რაკიტიჩი, ჩავი, ს. რობერტო, ინიესტა, რაფინია, პედრო, მესი, სუარესი, ნეიმარი.