ბუსკეტსი: "მსაჯი ორივე მიმართულებით ცდებოდა"

"ბარსელონას" საყრდენი ნახევარმცველი სერხიო ბუსკეტსი მიიჩნევს, რომ "ატლეტიკოსთან" გამართულ შეხვედრაში არბიტრმა შეცდომები ორივე გუნდის საზიანოდ დაუშვა.

"მე-2 ტაიმში ენერგია აღარ გვეყო, მაგრამ პირველი ნახევარი ბრწყინვალედ ჩავატარეთ. თამაშისთვის სერიოზულად მოვემზადეთ და მეტოქის დაცვაში არსებული სივრცეებით ვისარგებლეთ. ასეთი პირველი ნახევრის შემდეგ მე-2 ტაიმი უფრო ადვილი გამოდგა.

როგორც მითხრეს, მასკერანომ თამაშის წესები საჯარიმოს გარეთ დაარღვია და ჩვენს კარში თერთმეტმეტრიანი უსამართლოდ დაინიშნა. მსაჯი ორივე მიმართულებით ცდებოდა."