"ბარსელონა"-"ლევანტე": საინტერესო ფაქტები

"ბარსელონასა" და "ლევანტეს" შორის გამართულ მატჩში, ესპანეთის ჩემპიონატის 23-ე ტურის შეხვედრაში, არაერთი საინტერესო ფაქტი დაფიქსირდა. გთავაზობთ ამ ფაქტების ჩამონათვალს:

"ლევანტეს" წინააღმდეგ გამართული შეხვედრა მესისთვის, ნეიმარისა და სუარესისთვის მე-5 მატჩი აღმოჩნდა, რომელშიც სამივე მათგანმა გაიტანა გოლი. მანამდე "ბარსას" ტრიომ "პარი სენ ჟერმენს" (3-1), "ელჩეს" (5-0), "ატლეტიკოსა" (3-1) და "ატლეტიკს" (2-5) გაუტანა.
"ლევანტესთან" გატანილი 5 გოლის წყალობით, არგენტინელს, ბრაზილიელსა და ურუგვაელს უკვე 48 გოლი დაუგროვდათ ესპანეთის ჩემპიონატში. მათ შორის საუკეთესო მეგოლე, 26 გატანილი ბურთით, ლეო მესია.
"ლევანტეს" წინააღმდეგ მესიმ ლა ლიგის მიმდინარე სეზონში მე-14 საგოლე გადაცემა გააკეთა. ამ შემთხვევაში, ლეოს ასისტით, თავი ნეიმარმა გამოიჩინა.
ნეიმარმა გასულ კვირაში ერთი გოლი გაიტანა. ახლა, საერთო ჯამში, მიმდინარე სეზონში ბრაზილიელს 11 შეხვედრაში აქვს ანგარიში გახსნილი "ბლაუგრანელთა" სასარგებლოდ. ამ 11 მატჩში, მან პირველი გოლი 8 შემთხვევაში გაიტანა.
ლუის სუარესმა პირველად გაიტანა შეცვლაზე შესვლის შემდეგ. მან დანარჩენი 6 გოლი ძირითად შემადგენლობაში ყოფნის დროს გაიტანა.
"ბარსელონამ" "ლევანტეს" წინააღმდეგ მიმდინარე სეზონში მეათედ გაიტანა 5 ან მეტი გოლი, "კამპ ნოუზე" კი მეშვიდედ. მანამდე "ლურჯ-ბროწეულისფერებმა" "კამპ ნოუზე" 5 ან მეტი გოლი შემდეგ გუნდებს გაუტანეს: "გრანადა" (6-1), "სევილია" (5-1), "ესპანიოლი" (5-1), "უესკა" (8-1), "კორდობა" (5-0), "ელჩე" (5-0).
"ლევანტეს" დამარცხებით "ბარსამ" ზედიზედ 11 შეხვედრა მოიგო. იგი 4 იანვრის შემდეგ არ დამარცხებულა, გაიტანა 42 გოლი და გაუშვა მხოლოდ - 8.
ლეო მესიმ "ბარსელონას" შემადგენლობაში 31-ე ჰეთ თრიქი შეასრულა. კვირას, არგენტინელმა პირველად გაუტანა "ლევანტეს" 3 გოლი. მას ლა ლიგის ამ გუნდის წინააღმდეგ ჰეთ თრიქი აქამდე არასდროს ჰქონდა შესრულებული.
მესიმ ლა ლიგის მიმდინარე სეზონში მეორედ შეასრულა თერთმეტმეტრიანი. მან პირველი პენალტი სწორედ "ლევანტეს" წინააღმდეგ დაარტყა, სეზონის პირველი ნახევრის მატჩში. შეგახსენებთ, რომ მაშინ ლეომ თერთმეტმეტრიანი გააცუდა.
"ბარსელონას" როტაცია "ლევანტესთან" მატჩში ერთ-ერთი აქტუალური სასაუბრო თემა იყო. კვირას, ლუის ენრიკემ დაცვაში მონტოია, ბარტრა, მასკერანო და ადრიანო ათამაშა. ამ 4-მა ფეხბურთელმა წელს პირველად ითამაშა ერთად.

მიუხედავად იმისა, რომ სუარესმა მოედანზე მხოლოდ 25 წუთი გაატარა, მან მაინც მოახერხა დასამახსოვრებელი გოლის გატანა: