მესი: "თვითკმაყოფილებას არ უნდა მივეცეთ"

"ბარსელონასა" და "ბაიერნს" შორის ჩემპიონთა ლიგის 1/2-ფინალში გამართული მატჩის გმირი ლიონელ მესი თამაშის შემდეგ კომენტარს აკეთებს. არგენტინელის თქმით, მის გუნდს ფინალში თამაში განაღდებული ჯერ არ აქვს.

"გაგვიმართლა, რომ ანგარიშის გახსნიდან მალევე მე-2, შემდეგ კი მე-3 გოლი გავიტანეთ და საბოლოოდ ძალიან კარგი შედეგი დავაფიქსირეთ. ეს სწორედ ისაა, რაც გვსურდა. თუმცა, გერმანიაში ძალიან რთული თამაში გველის. ასევე უნდა განვაგრძოთ და თვითკმაყოფილებას არ მივეცეთ.

მე-2 გოლი ლამაზი გამოვიდა. დავინახე, რომ ბოატენგი ბურთის ართმევას ცდილობდა და მას გვერდი ავუარე.

რევანში ნოიერთან? მსოფლიო ჩემპიონატი და ჩემპიონთა ლიგა სხვადასხვა ტურნირებია."