აბიდალი: "ჩავი გუნდის ყველაზე მნიშვნელოვანი წევრია"

"ბარსელონას" ყოფილი ფეხბურთელი ერიკ აბიდალი კატალონიელთა კაპიტნის, ჩავი ერნანდესის როლზე საუბრობს და აცხადებს, რომ ის კარლეს პუიოლს ჰგავს.

"ჩავი დიდი გამოცდილების მქონე ფეხბურთელია. სეზონის დაწყების წინ მის წასვლაზე საუბარი იყო, მაგრამ მან კიდევ ერთი სეზონით დარჩენა გადაწყვიტა. მიმაჩნია, რომ ის გუნდის ყველაზე მნიშვნელოვანი წევრია. ის მეკავშირე იყო არა მხოლოდ მესისა და მწვრთნელს, არამედ სხვა ფეხბურთელებს შორისაც. მან ყოველდღიურ მიზნებსა და კლუბის ფუნქციონალობაზე ყველაფერი იცის. მან იცის, როდის რა უნდა თქვას. ის ისეთივე კაპიტანია, როგორც პუიოლი."