"ბარსელონა" კოკეს აკვირდება

მადრიდის "ატლეტიკოს" ნახევარმცველი კოკე "ბარსელონას" ინტერესთა სფეროში მოხვდა. ამ ინფორმაციას ესპანური El Mundo Deportivo ავრცელებს.

კატალონიურ კლუბს ნახევარდაცვის გაძლიერება ესპანელი ფეხბურთელით უნდა. თუმცა, როგორც ცნობილია, კოკე "ატლეტიკოს" დატოვებას არ აპირებს. მან განაცხადა, რომ მადრიდში დარჩენას გეგმავს და სხვა გუნდში გადასვლას არ ისურვებდა.

კოკეს სატრანსფერო თანხა 60 მილიონ ევროს შეადგენს.